Have I been pwned ត្រូវបានបង្កើតឡើងដោយអ្នកជំនាញសន្តិសុខឈ្មោះ Troy Hunt នៅថ្ងៃទី៤ ខែធ្នូ ឆ្នាំ២០១៣។ វាគឺជាគេហទំព័រដែលអនុញ្ញាតឱ្យអ្នកប្រើប្រាស់អ៊ីនធឺណិតពិនិត្យមើលថា តើទិន្នន័យផ្ទាល់ខ្លួនរបស់ពួកគេធ្លាប់មានការបែកធ្លាយឬទេ។
អ្នកប្រើប្រាស់អាចបញ្ចូលអាសយដ្ឋានអ៊ីមែលរបស់ពួកគេ ហើយពិនិត្យមើលបញ្ជីនៃការបំពានទិន្នន័យដែលភ្ជាប់ទៅនឹងអាសយដ្ឋានអ៊ីមែលនោះ។ គេហទំព័រនេះក៏ផ្តល់ព័ត៌មានលម្អិតអំពីការបំពានទិន្នន័យនីមួយៗ ដូចជាប្រភេទនៃការរំលោភបំពាន និងប្រភេទទិន្នន័យជាក់លាក់ណាមួយដែលត្រូវបានរួមបញ្ចូលនៅក្នុងការបែកធ្លាយ។
ដើម្បីផ្ដល់ជូនទិន្នន័យទាំងអស់នោះបាន វេបសាយនេះប្រមូល និងវិភាគទិន្នន័យពី database dumps និង Pastebin។
អ្នកណាខ្លះប្រើគណនីអ៊ីមែលមួយចុះឈ្មោះជាមួយសេវាកម្មច្រើន? តស់! មកពិនិត្យមើលទាំងអស់គ្នាថា គណនីអ៊ីមែលយើងធ្លាប់ពាក់ព័ន្ធជាមួយការបែកធ្លាយទិន្នន័យណាដែរឬទេ? អ្នកទាំងអស់គ្នាអាចចូលទៅមើលបានតាមជំហានខាងក្រោម៖
ជំហានទី១៖ សូមចុច https://haveibeenpwned.com/
ជំហានទី២៖ វាយបញ្ចូលអ៊ីមែលរបស់អ្នកចូលប្រអប់ខាងក្រោម ហើយចុចពាក្យថា “pwned?”
ជំហានទី៣៖ ក្នុងករណីដែលអ៊ីមែលរបស់អ្នកមានសុវត្ថិភាពពីការបែកធ្លាយ គឺវានឹងបង្ហាញពណ៌ខៀវ
ជំហានទី៤៖ ក្នុងករណីដែលអ៊ីមែលរបស់អ្នកត្រូវបានបែកធ្លាយទិន្នន័យ គឺវានឹងចេញពណ៌ក្រហម
ជំហានទី៥៖ ទិន្នន័យដែលបានបែកធ្លាយទាំងនោះអាចមាន៖ ពាក្យសម្ងាត់ ភេទ ទីតាំងភូមិសាស្ត្រ រូបភាព ឈ្មោះ ទម្រង់ប្រព័ន្ធផ្សព្វផ្សាយសង្គមផ្សេងៗ ។-ល-។
ក្នុងករណីរកឃើញថា អ៊ីមែលរបស់អ្នកត្រូវបានបែកធ្លាយ ក៏ប៉ុន្តែអ្នកនៅតែត្រូវបន្តប្រើប្រាស់គណនីក្នុងគេហទំព័រទាំងនោះទៀត សូមអនុវត្តវិធានសុវត្ថិភាពដូចខាងក្រោម។
