គ្មាននរណាម្នាក់ចង់ឱ្យឧបករណ៍ដែលខ្លួនស្រឡាញ់ត្រូវបានបាត់បង់ ឬត្រូវបានគេលួចនោះទេ ប៉ុន្តែជាអកុសល ឧបករណ៍ជាទីស្រឡាញ់របស់យើងអាចនឹងបាត់បង់គ្រប់ពេលនៅពេលខ្វះការប្រុងប្រយ័ត្ន។
ក៏ប៉ុន្តែ មានដំណឹងល្អសម្រាប់អ្នកដែលជាម្ចាស់ iPhone, iPad, MacBook, Apple Watch, AirPods ឬសូម្បីតែ iPod Touch វាអាចត្រូវបានតាមដាន និងកំណត់ទីតាំងដោយប្រើមុខងារ Find My iPhone។
យើងនឹងណែនាំអ្នកអំពីមូលដ្ឋានគ្រឹះនៃរបៀបប្រើប្រាស់ Find My iPhone៖
- សូមយកឧបករណ៍សំខាន់របស់អ្នកដែលអាចជា iPhone, iPad ឬ iPod Touch ជាដើម។
- នៅលើអេក្រង់ដើម សូមចូលទៅកាន់ ការកំណត់ Settings > Apple ID > Find My ហើយត្រូវប្រាកដថាមុខងារនេះត្រូវបានបើក។ ប្រសិនបើនេះជាលើកដំបូង អ្នកប្រហែលជាត្រូវបានតម្រូវឱ្យបញ្ចូល Apple ID របស់អ្នក។ ប្រសិនបើអ្នកមិនទាន់មាន Apple ID សូមជ្រើសរើសបង្កើត Apple ID ថ្មី។
- នៅលើអេក្រង់នេះផងដែរ សូមបើក ‘Send Last Location’។ មុខងារនេះនឹងធ្វើឱ្យប្រាកដថាឧបករណ៍របស់អ្នកបញ្ជូនទីតាំងរបស់វា នៅពេលដែលវាហៀបនឹងអស់ថ្ម ដូច្នេះនៅពេលអ្នកព្យាយាមកំណត់ទីតាំងឧបករណ៍នៅពេលក្រោយ អ្នកនឹងឃើញកន្លែងដែលវាស្ថិតនៅចុងក្រោយ៕
