បច្ចុប្បន្ន បច្ចេកវិទ្យាមានការកើនឡើងយ៉ាងឆាប់រហ័ស។ ទន្ទឹមនឹងការរីកចម្រើននេះ ក៏មានហានិភ័យនៃឧក្រិដ្ឋកម្មតាមអ៊ីនធឺណិតផងដែរ ដូចជាការលួចបន្លំ។-ល-។ ដូច្នេះអ្នកគួរបង្កើតទម្លាប់គិតមុនពេលអ្នកបង្ហោះអ្វីមួយនៅលើអ៊ីនធឺណិត ឬចែករំលែកព័ត៌មាននៅក្នុងអ៊ីមែល។
អ្វីដែលអ្នកបង្ហោះលើអ៊ីនធឺណិត អាចត្រូវមនុស្សគ្រប់គ្នាមើលឃើញដោយអ្នកមិនដឹងខ្លួន។ ការចែករំលែកព័ត៌មានផ្ទាល់ខ្លួនជាមួយអ្នកដទៃដែលអ្នកមិនស្គាល់ដោយផ្ទាល់ គឺជាហានិភ័យធំបំផុតមួយរបស់អ្នកនៅលើអ៊ីនធឺណិត។
រក្សាភាពសាមញ្ញរបស់អ្នកជារឿងល្អបំផុត ហើយព័ត៌មានដែលអ្នកគួរទុកជាការណ៍សម្ងាត់រួមមាន៖
- អត្តសញ្ញាណផ្ទាល់ខ្លួន៖ ទិន្នន័យនេះរួមមានឈ្មោះរបស់អ្នក អាយុ លេខទូរសព្ទ អាសយដ្ឋាន ឈ្មោះគណនីអ៊ីមែល ជាដើម។ វាក៏រួមបញ្ចូលព័ត៌មានដែលអាចបញ្ជាក់ពីទីតាំងរបស់អ្នក ឬទិន្នន័យផ្ទាល់ខ្លួនណាមួយដែលអាចជាតម្រុយសម្រាប់ឧក្រិដ្ឋជនអាចចូលទៅលួចបាន។
- ទិន្នន័យហិរញ្ញវត្ថុ ឬការទូទាត់ផ្ទាល់ខ្លួន៖ ប្រសិនបើវាទាក់ទងនឹងប្រតិបត្តិការហិរញ្ញវត្ថុ វាត្រូវបានគេចាត់ទុកថាជាទិន្នន័យទូទាត់ផ្ទាល់ខ្លួនចាំបាច់មួយដែលមិនគួរធ្វេសប្រហែសឡើយ។ ព័ត៌មាននេះរួមមាន លេខកាតឥណទាន និងឥណពន្ធ (រួមទាំងកាលបរិច្ឆេទផុតកំណត់) លេខធនាគារតាមអ៊ីនធឺណិត និងលេខកូដ PIN ជាដើម។ ឧក្រិដ្ឋជនដែលអាចទទួលបានព័ត៌មានធនាគារតាមអ៊ីនធឺណិតរបស់អ្នក អាចសូម្បីតែផ្ទេរប្រាក់ចេញពីគណនី ឬទិញទំនិញអនឡាញនានា។
- ទិន្នន័យសុខភាពផ្ទាល់ខ្លួន៖ ព័ត៌មានសុខភាពផ្ទាល់ខ្លួនសំដៅទៅលើព័ត៌មានអំពីសុខភាពរបស់អ្នក រួមទាំងប្រវត្តិវេជ្ជសាស្ត្រ ថ្នាំតាមវេជ្ជបញ្ជា ការជាវធានារ៉ាប់រងសុខភាព និងការទៅជួបគ្រូពេទ្យ និងការចេញចូលមន្ទីរពេទ្យ។ ព័ត៌មាននេះមានតម្លៃចំពោះឧក្រិដ្ឋជនអ៊ីនធឺណិតដែលមានការកើនឡើងខ្ពស់ ព្រោះពួកគេអាចប្រើព័ត៌មានសុខភាពរបស់អ្នក ដើម្បីដាក់ពាក្យបណ្តឹងទាមទារប្រាក់ធានារ៉ាប់រងក្លែងក្លាយ ឬបញ្ជាទិញ និងលក់ថ្នាំតាមវេជ្ជបញ្ជា។
- ព័ត៌មានអំពីកន្លែងការងារ៖ អ្នកប្រហែលជាចង់ប្រាប់ ឬអួតគេអំពីការងារថ្មីរបស់អ្នកខ្លាំងមែនទែន ប៉ុន្តែប្រសិនបើវាជាព័ត៌មានដែលអាចមានប្រយោជន៍ដល់ដៃគូប្រកួតប្រជែងរបស់ក្រុមហ៊ុនអ្នកនោះ អ្នកមិនគួរចែករំលែកនោះទេ។ ព័ត៌មានអំពីការពង្រីកគម្រោងដែលមានការព្រាងទុក ឬតួនាទីគម្រោងធំ និងអ្វីផ្សេងទៀតអំពីកន្លែងធ្វើការរបស់អ្នក គួរតែត្រូវបានរក្សាទុកជាឯកជន។
Sophos ដែលជាក្រុមហ៊ុនសុសវែរសុវត្ថិភាពបានរកឃើញថា ៦៣% នៃក្រុមហ៊ុនមានការភ័យខ្លាចចំពោះអ្វីដែលបុគ្គលិករបស់ពួកគេជ្រើសរើស ដើម្បីចែករំលែកនៅលើបណ្ដាញទំនាក់ទំនងសង្គម។ ប្រសិនបើអ្នកចង់ផ្ញើសារចេញ សូមជ្រើសរើស និងផ្ញើអ៊ីមែលឯកជន។
ក្រុមហ៊ុនជាច្រើនមានការយកចិត្តទុកដាក់យ៉ាងខ្លាំងចំពោះការមិនត្រូវបានបញ្ចូលទៅក្នុងបណ្ដាញទំនាក់ទំនងសង្គមដែលពួកគេហាមឃាត់បុគ្គលិកមិនឱ្យប្រើប្រាស់គេហទំព័រ ដូចជា Facebook នៅកន្លែងធ្វើការ ជាដើម៕
